திருக்குறள்- காமத்துப்பால் 1084

அன்புள்ளம் கொண்டவர்கள் பெண்கள்..இரக்கக் குணம் உள்ளவர்கள் என்றெல்லாம் போற்றப்படுபவர்கள் பெண்கள்.ஆனால்..அவர்களது பார்வை உயிரையே பறிக்குமாம்...வள்ளுவன் சொல்கிறான்

கண்டார் உயிருண்ணும் தோற்றத்தால் பெண்டகைப்
பேதைக்கு அமர்த்தன கண்.

பெண்மைக் குணம் மிக்க இப்பெண்ணின் கண்களுக்கு, அவற்றைப் பார்ப்பவர் உயிரைப் பறிக்கும் தோற்றம்(கவர்ச்சி) இருப்பதால் அவள் குணத்திற்கும் அறிவிற்கும் இது மாறுபாடாய் உள்ளதே!.

திருக்குறள்- காமத்துப்பால்

காதலி காதலுடன் பார்க்கிறாள்.காதல் பார்வை.சாதாரணமாகப் பார்த்தாலே மயங்கும் காதலன் காதல் பர்வையுடன் அவள் பார்க்கையில்..அடையும் மயக்கத்தை வார்த்தையில் வடிக்க இயலுமா?


நோக்கினா ணோக்கெதிர் நோக்குத றாக்கணங்கு
தானைக்கொண் டன்ன துடைத்து.
                                                   -1082

இவன் பார்க்கிறானாம்...அவள் அழகு அவனைத் தாக்குகிறதாம். பதிலுக்கு இவனை அவள் பார்க்கையில்...அந்த தேவதை மட்டுமல்ல..ஒரு தேவதைப்படையே தாக்குவது போல இருக்கிறதாம்.