வள்ளுவனும் ..ஒப்பீடுகளும் - 60

ஒருவர், கற்றவராய் இருந்தால் , அதற்கான பெருமை, சமுதாயத்தில் அவர் உயர்ந்தவர், தாழ்ந்தவர் என்ற வேறுபாட்டினைப் போக்கிவிடும்.

இன்னமும் சொல்வதானால்..

கற்றோர், கல்லாதவர் இருவருக்குமான வேற்றுமை என்ன என்று வள்ளுவனின் பார்வையில் பார்த்தோமானால்.. கற்றோர் , மனிதர்கள் ஆவர்.கல்லாதார் விலங்குகள் ஆவார்கள்.

விலங்கொடு மக்க ளனையர் இலங்குநூல்
கற்றாரோ டேனை யவர்  (410)

மனிதர்களுக்கும் விலங்குகளுக்குமிடையே என்ன வேற்றுமையோ, அதே அளவு வேற்றுமை அறிவு நூல்களைப் படித்தவர்களுக்கும், அந்த நூல்களைப் படிக்காதவர்களுக்கும் இடையே உண்டு